Հոկտեմբերի 21-25-ը Երևանի պետական համալսարանում տեղի ունեցավ "Mathematical Modeling and Computational Physics" (MMCP2024) միջազգային գիտաժողովը, որը համատեղ կազմակերպվել էր Ալիխանյանի անվան ազգային գիտական լաբորատորիայի, Միջուկային հետազոտությունների միացյալ ինստիտուտի (JINR), Երևանի պետական համալսարանի և ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտի կողմից: Գիտաժողովը նվիրված էր ակադեմիկոս Ալեքսեյ Սիսակյանի 80-ամյակին։ 

Քննարկվեցին մաթեմատիկական մեթոդները բարդ ֆիզիկական համակարգերի, մեքենայական ուսուցման, քվանտային հաշվարկման թեմաները։

Գիտաժողովի հիմնական թեմաներն էին՝

• Բարդ ֆիզիկական համակարգերի մոդելավորման մաթեմատիկական մեթոդներ,

• Կենսագիտության մաթեմատիկական մեթոդներ,

• Քվանտային հաշվարկման և քվանտային ինֆորմացիայի մշակում,

• Թվային և վերլուծական հաշվարկներ ժամանակակից մաթեմատիկական ֆիզիկայում: