ՔՎԱՆՏԱՅԻՆ ՏԵԽՆՈԼՈԳԻԱՆԵՐԻ ԲԱԺԱՆՄՈՒՆՔ
ԱԱԳԼ (Երևանի ֆիզիկայի ինստիտուտ) քվանտային տեխնոլոգիաների բաժանմունքը ստեղծվել է 2022 թվականին: Բաժանմունքի աշխատակիցները զբաղվում են քվանտային տեխնոլոգիաների տեսական հաշվարկներով, իսկ հետազոտությունների արդյունքները տպագրվում են առաջատար գիտական պարբերականներում։
Սկզբնավորումից ի վեր բաժանմունքում իրականացվել են հետևյալ աշխատանքները․
- մշակվել է քվանտային համակարգիչների նոր մոդել, ինչը քվանտային հատկություններից օգտագործում է միայն քվանտային զուգահեռումը,
- ուսումնասիրվել է քվանտային և դասական միաչափ Իզինգի մոդելը, դրանց փուլերը և փուլային անցումները,
- ուսումնասիրվել է SSH տոպոլոգիական ցանցի մոդելը PT-սիմետրիկ պոտենցիալի առկայության դեպքում,
- մասնակցություն հիբրիդային քվանտային համակարգերի փորձարարական ուսումնասիրությանը, ինչը ներառում է գերհաղորդիչ շղթա և լազերով գրգռված ատոմներ, իրականացնել ճառագայթման օպտիմալ փոխանցումը միկրոալիքային և օպտիկական տիրույթների միջև՝ քվանտային ինտերնետը քվանտային համակարգիչներով իրականացնելու համար,
- պարզաբանվել է մագնիսական դաշտի ազդեցությունը դասական հավասարակշիռ լիցքերի և նրանց թերմոստատի վրա,
- գտնվել է տեքստերի համառոտագրման լավագույն այբուբենը,
- մոդելի վրա հետազոտվել է կուտակված և դիսիպացված էներգիաների կապը և տարբերությունը ֆիզիկական համակարգերում,
- ներմուծվել և հետազոտվել է թերմոդինամիկական սելեկցիայի գաղափարը,
- հայտնաբերվել է տեքստերում բանալի բառերի զտման էֆեկտիվ, ոչ-ուղղորդված մեթոդ,
- քվանտային օպտիկայում նկարագրվել է աղմուկների առաջացման ընդհանուր մեխանիզմը՝ ցույց տալով դրա դեմ պայքարի միջոցը:
Տես ավելին