ԱԱԳԼ(ԵրՖԻ)՝ Ֆիզիկայի Կիրառական Հետազոտությունների Բաժինը (ՖԿՀԲ) իրականացնում է հետազոտություններ նյութագիտության ոլորտում։ Բաժնի թիրախային ուղղություններից է ճառագայթման (էլեկտրոնային, պրոտոնային փնջեր) ազդեցության ուսումնասիրությունը նյութի ֆիզիկական, օպտիկական և կենսաբանական հատկությունների վրա։ Լայնածավալ հետազոտություններ են անցկացվում լայն արգելված գոտիով նյութերի օգտագործմամբ և դրանց կիրառական նշանակության վեր հանման ուղղությամբ (սցինտիլյացիա, դոզիմետրեր և լյումինեսցենտային խողովակներ, միջուկային էներգետիկայի համար նյութեր)։

Հեռանկարային ուղղություններից են նաև.

•  ճառագայթակայուն ջերմակարգավորիչ ծածկանյութերի մշակումը տիեզերական սարքավորումների համար,
•  տատանվող լարերի տեխնոլոգիաների կիրառումը արագացուցչային ֆիզիկայում,
•  ռադիո-կրիոկենսաբանությունն ու ռադիոէկոլոգիան։

Բաժնի աշխատակիցներն իրականացնում են փորձեր էներգիական բաշխվածությամբ ռենտգեն-ֆլյուրեսցենտային վերլուծիչի, LUMEN սարքի, տատանվող լարերի տեխնոլոգիաների և վակուումային սարքավորումների օգտագործմամբ։ Հետազոտությունների արդյունքները տպագրվում են բարձր վարկանիշ ունեցող միջազգային ամսագրերում։

Համագործակցություն

• DESY, Համբուրգ
• JINR, Դուբնա
• Լեբեդևի անվան ֆիզիկայի ինստիտուտ, Ռուսաստանի գիտությունների ակադեմիա
• MAX-LAB, Շվեդիա
• Նոտր Դամի համալսարան, ԱՄՆ
• Երևանի պետական համալսարան
• CANDLE սինքրոտրոնային հետազոտությունների ինստիտուտ
• Ֆիզիկական հետազոտությունների ինստիտուտ, Աշտարակ
• Հայաստանի պատմամշակութային ժառանգության գիտահետազոտական կենտրոն
• HTM-Reetz GmbH, Բեռլին, Գերմանիա
• UNIST, Կորեա

Գիտաժողովներ