ԱԱԳԼ (Երևանի ֆիզիկայի ինստիտուտ) կոսմոլոգիայի և աստղաֆիզիկայի կենտրոնում իրականացվում են հետազոտություններ նվիրված տիեզերագիտության ոչ գծային խնդիրներին, տիեզերքի մեծ մասշտաբային կազմությանը, գրավիտացիոն համակարգերի քաոսային դինամիկային, դինամիկական համակարգերի վարքագծի ուսումնասիրությանը, մեքենայական ուսուցման ալգորիթմներով տվյալների մշակմանը:

Կենտրոնի վերջին տարիների աշխատանքներից են՝ մասնակցությունը LARES արբանյակային ծրագրին (իտալական տիեզերական գործակալություն, Եվրոպական տիեզերական գործակալություն), որի շրջանակներում իրականացվել է հարաբերականության ընդհանուր տեսության մեծ ճշտությամբ ստուգումը, ինչպես նաև Եվրոպական սինքրոտրոնում  (European Synchrotron Radiation Facility, Grenoble) լույսի արագության ինվարիանտության մեծ ճշտությամբ ստուգումը (Kennedy-Thorndike test): Ստացված արդյունքները հանրայնացվել են միջազգային լրատվամիջոցներով և ներկայումս ընդգրկված են տարբեր հանրագիտարաններում:

Համագործակցություն

• Կալիֆորնիայի տեխնոլոգիական ինստիտուտ, ԱՄՆ (դիտողական կոսմոլոգիա)
• Լ․ Լանդաուի անվան տեսական ֆիզիկայի ինստիտուտ, ՌԴ, Մոսկվա (տեսական կոսմոլոգիա)
• Աստղաֆիզիկայի ինստիտուտ, Փարիզ, Ֆրանսիա (գալակտիկաների կույտեր, գերնորեր)
• Սապիենցա համալսարան, Սալենտոյի համալսարան, Իտալիա ( LARES, գալակտիկական հալոներ)
• Աստղաֆիզիկայի լաբորատորիա, Լոզան, Շվեյցարիա (աստղաֆիզիկական տվյալների մշակում, գրավիտացիոն ոսպնյակներ)։

Գիտաժողովներ

Զեկուցումներ XXII Սոլվեյի ֆիզիկայի գիտաժողովում (Solvay conference in physics), Միջազգային աստղագիտական միության համաժողովում (IAU, General Assembly), Շվեյցարական գիտության բիենալում (Swiss Biennial on Science, Technics + Aesthetic on “The Large, The Small and the Human Mind”), Սախարովին նվիրված գիտաժողովում (Մոսկվա),  Քլեյ մաթեմատիկայի ինստիտուտի և Օքսֆորդի համալսարանի “The Mathematics of CCC“ գիտաժողովում և այլն:  2019թ.-ից ի վեր ամեն տարի ԱԱԳԼ-ում կազմակերպվում են Սերգեյ Մատինյանին նվիրված երկօրյա սեմինարներ: