«Ա. Ալիխանյանի անվան ազգային գիտական լաբորատորիա (Երևանի ֆիզիկայի ինստիտուտ)» հիմնադրամի հոգաբարձուների խորհուրդը հիմնադրամի կառավարման և վերահսկողության բարձրագույն մարմինն է։ Խորհրդի նախագահը և անդամները նշանակվում են Հայաստանի Հանրապետության վարչապետի որոշմամբ։

Հոգաբարձուների խորհուրդը հաստատում է հիմնադրամի զարգացման ռազմավարական ծրագիրը, կազմակերպական կառուցվածքը, հաստիքացուցակը, ինչպես նաև դրանցում կատարվող լրացումները և փոփոխությունները։ Խորհուրդը հաստատում է նաև հիմնադրամի տարեկան եկամուտների և ծախսերի նախահաշիվը, դրանում կատարվող փոփոխությունները, տարեկան ֆինանսական հաշվետվությունները, ֆինանսական հաշվետվությունների վերաբերյալ աուդիտն իրականացրած անձի (աուդիտորի) եզրակացությունը։

Խորհուրդը կազմված է 7 անդամից, որոնց գիտության տարբեր բնագավառներում ունեցած մասնագիտական հարուստ փորձառությունը նպաստում է հիմնադրամի արդյունավետ կառավարմանը, ռազմավարական զարգացման և գործունեության բարձր չափանիշների ապահովմանը։