Լուրեր

ԱԱԳԼ հետազոտողները հրապարակել են հոդված C18/18 ցիկլոտրոնի պրոտոնային փնջի դիագնոստիկայի վերաբերյալ

Ա. Ի. Ալիխանյանի անվան ազգային գիտական լաբորատորիայի Ֆիզիկայի կիրառական հետազոտությունների բաժանմունքի արագացուցչային դիագնոստիկայի մեթոդների մշակման թիմը, միջազգային գործընկերների հետ համատեղ, հրապարակել է հոդված՝ «C18/18 ցիկլոտրոնի պրոտոնային փնջի հորիզոնական և ուղղահայաց պրոֆիլավորում մոդեռնիզացված դիագնոստիկ կայանի տատանվող լարի մոնիտորների միջոցով» թեմայով։

 

Նոր դիագնոստիկ համակարգը հնարավորություն է տալիս չափել պրոտոնային փնջի ճշգրիտ պրոֆիլները նույնիսկ շատ ցածր հոսանքի (~1 μA) դեպքում։ Արդյունքը ձեռք է բերվել նոր՝ ընդլայնված ապերտուրով (28 մմ) մոնիտորների մշակման, փնջի անկման ակտիվ գոտուց մագնիսների հեռացման, ինչպես նաև նոր ծրագրային ապահովման ներդրման շնորհիվ։ Հատուկ ուշադրություն է դարձվել էլեկտրամագնիսական աղմուկների նվազեցմանը։

 

Երկու տատանվող լարից բաղկացած պրոֆիլավորման կայանը կարող է կիրառվել նաև ծանր մասնիկների ճառագայթման ազդեցության տակ գտնվող նյութերի կառուցվածքային փոփոխությունների ուսումնասիրման համար։ Ծանր մասնիկների (պրոտոններ, նեյտրոններ, ալֆա մասնիկներ) փնջերով ճառագայթման ընթացքում նյութերում առաջանում և կուտակվում են կառուցվածքային վնասվածքներ, որոնք կարող են հանգեցնել դրանց հատկությունների մնացուն փոփոխությունների, մասնավորապես՝ փխրունության աճի և կարծրացման։

 

Հետազոտությունը կարևոր նշանակություն ունի միջուկային էներգետիկայի ոլորտի համար, մասնավորապես՝ միջուկային ռեակտորների կորպուսների նյութերի ուսումնասիրության տեսանկյունից։

 

Հոդվածը հասանելի է՝ Journal of Contemporary Physics (Armenian Academy of Sciences) ամսագրում։

Share
  • Facebook
  • Instagram
  • Linkedin
  • Telegram

Սպասվող միջոցառումներ7

Բոլոր միջոցառումները

Առնչվող թեմաներ

Փաստաթղթերի նմուշային ձևեր
Ներբեռնել հայերեն տարբերանշանը
Ներբեռնել անգլերեն տարբերանշանը
© 2026 «Ա. Ի. Ալիխանյանի անվան ազգային գիտական լաբորատորիա (Երևանի ֆիզիկայի ինստիտուտ)» հիմնադրամ