Միջոցառումներ

ԱԱԳԼ-ն մասնակցեց «Եվրոպական հետազոտողների գիշեր Հայաստանում» գիտական փառատոնին

Սեպտեմբերի 25-ին և 26-ին Ա․ Ի․ Ալիխանյանի անվան ազգային գիտական լաբորատորիան (ԱԱԳԼ) մասնակցեց «Եվրոպական հետազոտողների գիշեր Հայաստանում» (European Researchers’ Night in Armenia, ERNA) գիտական փառատոնին։

 

Երկօրյա միջոցառման ընթացքում ԱԱԳԼ-ն հանդես եկավ առանձին տաղավարով, որտեղ այցելուները հնարավորություն ունեցան ծանոթանալու լաբորատորիայի գործունեությանը, իրականացվող հետազոտություններին և հիմնական գիտական ուղղություններին։

 

Լաբորատորիայի ներկայացուցիչները ցուցադրեցին տարբեր գիտափորձեր և գիտական ցուցադրություններ։ Այցելուները հետևեցին դրանց ընթացքին, մասնակցեցին փորձերին և ծանոթացան տարբեր ֆիզիկական երևույթների ու դրանց հիմքում ընկած գիտական սկզբունքներին։

 

ԱԱԳԼ տաղավարը մեծ հետաքրքրություն առաջացրեց հատկապես դպրոցականների, ուսանողների և երիտասարդների շրջանում։ Նրանք զրուցեցին լաբորատորիայի գիտաշխատողների հետ և հնարավորություն ունեցան անմիջականորեն ծանոթանալու նրանց աշխատանքին ու ԱԱԳԼ-ում իրականացվող հետազոտություններին։

 

«Եվրոպական հետազոտողների գիշեր Հայաստանում» նախաձեռնության նպատակն է գիտությունը ներկայացնել հանրությանը հասանելի և հետաքրքիր ձևով, ցույց տալ, թե ինչ դեր ունի այն մեր առօրյա կյանքում, ինչպես նաև մարդկանց հնարավորություն տալ ծանոթանալու գիտնականների աշխատանքին և իրականացվող հետազոտություններին։

 

ԱԱԳԼ-ի մասնակցությամբ փառատոնը ևս մեկ հնարավորություն էր գիտությունը ներկայացնելու անմիջական և հետաքրքիր ձևով՝ այցելուներին հնարավորություն տալով ոչ միայն դիտելու, այլև մասնակցելու գիտափորձերին և շփվելու գիտաշխատողների հետ։

 

 

 

Share
  • Facebook
  • Instagram
  • Linkedin
  • Telegram

Սպասվող միջոցառումներ9

Բոլոր միջոցառումները

Առնչվող թեմաներ

Փաստաթղթերի նմուշային ձևեր
Ներբեռնել հայերեն տարբերանշանը
Ներբեռնել անգլերեն տարբերանշանը
© 2026 «Ա. Ի. Ալիխանյանի անվան ազգային գիտական լաբորատորիա (Երևանի ֆիզիկայի ինստիտուտ)» հիմնադրամ